Txantrean jokatu zen Bardoak 2020ko bigarren saioa, urtarrilaren 31n. 9:30etan, Euskaldunon Biltokian izan ziren HEGO HAIZEA eta LIZARRAKO BARDEAK taldeak, Iñigo Avila gai-jartzailearekin batera, 20 bat lagunen aurrean kantatzeko prest.

Ainara Ieregi, Ander Baiano, Endika Legarra Nuin, Iñigo Aranguren "Pika", Sahats Aleman Sadaba bertsolariak dira HEGO HAIZEAtalde barañaindarraren kideak

LIZARRAKO BARDEAK kide hauexek ditu: Aitor Goya, Aitor Irazustabarrena, Ander Aranburu, Beñat Hach Embarek, Cesar Etxeberria, Ekhiotz Prieto Otxoa, Josu de la Hoz, Mikel Kolomo, Mikel Pinillos, Pello Etxaniz. Hautetatik lau etorri ziren saiora. 

Saioa bukatzean, HEGO HAIZEAtaldea izendatu zuten irabazle eta otordu goxoa egin zuten bertarauen artean.

Bertxoko Sariketako lehenengo kanporaketa izan zen pasadan ostiralean, azaroaren 1ean, Aramaion.  Martin Abarrategi eta Markel Yoller izan ziren irabazleak, publikoaren esanetan.

Bihar, azaroaren 8an, bigarren kanporaketa jokatuko da Zalduondon.

Gipuzkoako Bertsolari Txapelketaren hirugarren final-laurdena egin zen urriaren 26an Eibarren. Coliseo Antzokian aritu ziren Jon Maia Soria, Gorka Maiz Alustiza, Jokin Uranga Isuskiza, Unai Muñoa Amundarain, Felix Zubia Olaskoaga eta Mikel Tapia Aierbe bertsolariak.

 Jon Maiak irabazi zuen 475 punturekin eta abenduaren 1ean Tolosan jokatuko du final-laurdena.

Beñat Gaztelumendik jantzi zuen txapela abenduaren 14an jokatu zen Gipuzkoako Bertsolari Txapelketaren finalean. 6000 lagun inguru batu ziren arratsaldez Donostiako Donostia Arenan txapelketaren amaiera ikusteko.

Finalistak Agin Laburu Rezola, Alaia Martin Etxebeste, Ane Labaka Mayoz, Beñat Gaztelumendi Arandia, Beñat Lizaso Alberdi, Jon Maia Soria, Nerea Elustondo Plazaola eta Oihana Iguaran Barandiaran izan ziren. Agin Laburu eta Beñat Gaztelumendi buruz burukoan ibili ziren amaieran, baina azkenean Gaztelumendik irabazi zuen 940,5 punturekin.

Giouzkoako Bertsozale Elkarteak Xabier Gaztelumendi aukeratu zuen irabazleari txapela janzteko, urte luzez Elkartean egindako borondatezko lan administratiboa eskertzeko eta fokupera ekartzeko.

Informazio gehiago Bertsozale Ekartearen webgunean.

Aurten jokatuko diren txapelketak honako hauek dira:

Aurten jokatuko diren txapelketak honako hauek dira:

Hiruhileko honetan jokatuko diren txapelketak honako hauek dira:

Aurten jokatuko diren txapelketak honako hauek dira:

Aurten jokatuko diren txapelketak honako hauek dira:

Bertsokabi sariketako finala urriaren 24an jokatu zen Iruñeko Herriko Tabernan.Aurreko faseko bikote irabazleak Aitor Irastorza-Xabat Illarregi, Ekhiñe Zapiain-Josu Sanjurjo eta Irati Majuelo-Alazne Untxalo egon ziren oholtza gainean bertsotan; horietatik, Irati Majuelo eta Alazne Untxalo izendatu zituzten txapeldun.

Gipuzkoako Bertsolari Txapelketaren hirugarren final-laurdena urriaren 26an egin zen Eibarren. Amaia Kultur Etxean aritu ziren Agin Laburu Rezola, Haritz Mujika Lasa, Beñat Lizaso Alberdi, Maider Arregi Markuleta, Unai Gaztelumendi Arandia eta Iñigo Izagirre Urteaga bertsolariak.

Agin Laburuk irabazi zuen 495 punturekin eta azaroaren 17an Arrasaten jokatuko du final-aurrekoa.

Gipuzkoako Bertsolari Txapelketaren bigarren final-aurrekoa azaroaren 24an egin zen, Oiartzunen. Beñat Gaztelumendi Arandia, Iñigo Mantzizidor Larrañaga, Alaia Martin Etxebeste, Amaia Iturriotz Etxaniz, Asier Azpiroz Iztueta eta Ane Labaka Mayoz bertsolariak lehiatu ziren Elorsoro kiroldegian.

Beñat Gaztelumendik 506 punturekin irabazi zuen eta zuzenean joango da finalera, abenduaren 14an Donostian egingo dena.

Aurtengo Taldekako Xilabaren zazpigarren saioa urriaren 11n izan zen Amenduzeko Eiheran. ESKUKULA (Pettan Prebende, Bittor Thicoipe eta Ramuntxo Christy-k osatua) eta 4KOPLASARA (Ellande Alfaro, Amets Arzallus, Julene Etxeberri eta Landa Etxeberrik osatua) taldeek kantatu zuten, finalerdia jokoan zegoelarik. Azken agurren ostean, epaimahaiak 4KOPLASARA izendatu zuen irabazle. Azaroaren 1ean Baionan lehiatuko da HASTA LA 2TORIAren aurka.

Saioak ikusteko sakatu hemen.

Aurtengo Taldekako Xilabaren zortzigarren saioa urriaren 12an izan zen Azkaineko Xoko Ona ostatuan. KONTRABANDA (Josebiñe Agirre, Maddalen Arzallus, Maindi Murua eta Maialen Berrak osatua) eta EKAINAZ taldeak (Ekaitza Irastorza, Aitor Servier eta Xumai Muruak osatua) taldeek giro etxekoieko saio bikaina eskaini zuten, biek HASTA LA 2TORIA taldearen aurka galdu ostean. Saioak ez zuen irabazlerik izan, baina taldeek oraindik ere badute finalerdietara pasatzeko aukera: multzo guztien artean bigarren talderik onenak C taldeko irabazleen aurka jokatuko dute azaroaren 2an Müskildin.

Saioak ikusteko sakatu hemen.

Aurtengo Taldekako Xilabaren bigarren finalerdia azaroaren 2an egin zen Müskildin, Posonpesenea gelan. URRUÑAGO taldeak (Odei Barroso, Kerman Diaz, Iker Altuna eta Ortzi Idoatek osatua) eta EZ OTOI PENTSA taldeak (Maddi Ane Txoperena, Miren Artetxe, Josu Txoperena eta Gorka Artetxek osatua) kantatu zuten, baina epaimahaiak EZ OTOI PENTSA izendatu zuen irabazle.

Saioak ikusteko sakatu hemen.

Aurtengo Taldekako Xilabaren lehendo fasearen azken saioa urriaren 20an izan zen Berttolin, Urruñan. URRUÑAGOtaldeak (Odei Barroso, Kerman Diaz, Iker Altuna eta Ortzi Idoatek osatua)  EZ OTOI PENTSA taldea (Maddi Ane Txoperena, Miren Artetxe, Josu Txoperena eta Gorka Artetxek osatua) etxean hartu zuten saio bikain honetan. Agur originalak, bakarkako bikainak eta lehia estuaren ondoren, URRUÑAGO taldeak irabazi zuen. Laster lehiatuko dira berriz, ordea, EZ OTOI PENTSA taldea ere bigarren onenaren postua hartuz finalerdietara pasatzea lortu baitzuen. Azaroaren 2an Müskildiko posonpesenea gelan daukate hitzordua finaletara nor helduko den ikusteko.

Saioak ikusteko sakatu hemen.

Taldekako Xilabaren finala azaroaren 16an jokatuko da Izturitzen. HASTA LA 2TORIA eta EZ OTOI PENTSA taldeek Izturitzeko herriko gelan kantatuko dute  16:30etan, txapelketaren irabazleak nortzuk diren erabakitzeko. Saioaren aurretik bazkaria egingo da, 12:00etan; izena emateko aukera dago oraindik.

Taldekako Xilabaren finalerdia asteburu honetan jokatuko da bi saiotan: bata azaroaren 1ean Baionan eta bestea azaroaren 2an Müskildin. Irabazleak finalera joango dira zuzenean, Izturitzen jokatuko den azaroaren 16an.

Gipuzkoako Bertsolari Txapelketaren lehenengo final-aurrekoa abenduaren 1ean egin zen, Tolosan. Oihana Iguaran Barandiaran, Jon Maia Soria, Jokin Uranga Isuskiza, Iban Urdangarin Lardizabal, Beñat Lizaso Alberdi eta Haritz Mujika Lasa bertsolariak Usabal kiroldegian lehiatu ziren finalerako txartel zuzena lortzeko.

Jon Maiak 494,5 punturekin irabazi zuen eta zuzenean joango da finalera, abenduaren 14an Donostian egingo dena.