Urritik urtarrilera Uribe Kostan egingo diren bertso ekitaldien berri bertsozaleei ematea da agenda honen helburua. Bat egin gurekin eta parte hartu bertsozaleon interes eta atseginerako prestatu ditugun ekimenetan. Lauhilekoa bertsoz bete-betea dator, gorde datak zuen egutegietan!
"Edonor izan daiteke bertsolari neurri batean. Bizikletan ibiltzen edonork ikas dezake? Bertsotan, berdin". Horixe esan zuen Xabier Amuriza bertsolari handiak. Eta zuk, bertsotan ikasi nahi duzu? Bada, etorri Algortako Bertsolari Eskolara! ALBEko ateak zabalik dituzu.12 eta 18 urte bitarteko taldean eta helduen taldean
Udazkena heldu da gure artera, eta ALBEko bertsolariak urriko plazetara heldu dira. Hona hemen hil honetan non kantatuko duten:
Urritik urtarrilera Uribe Kostan egingo diren bertso ekitaldien berri bertsozaleei ematea da agenda honen helburua. Bat egin gurekin eta parte hartu bertsozaleon interes eta atseginerako prestatu ditugun ekimenetan. Lauhilekoa bertsoz bete-betea dator, gorde datak zuen egutegietan!
Udazkena heldu da gure artera, eta ALBEko bertsolariak urriko plazetara heldu dira. Hona hemen hil honetan non kantatuko duten:
Bertsolaritzaren munduan dabiltzan emakumeak elkar ezagutzea eta saretzea helburu duen topaketa aurten Bilbon egingo da urriaren 6an. Eguna 12:00etan hasiko da bertso poteo girotu batekin eta 14:30ean bertso bazkaria daukagu Jone Uria eta Nerea Ibarzabal bertsolariekin. Txartelak 28€ dira eta www.bertsosarrerak.eus atarian eros daitezke irailaren 30era arte. Anima zaitezte!
2022ko Bertsolari Txapelketa Nagusiko finala abenduaren 18an jokatu da, Iruñeko Nafarroa Arenan. 13.300 bertsozale baino gehiagoren aurrean kantatu dute Aitor Mendiluze Gonzalez, Nerea Ibarzabal Salegi, Amets Arzallus Antia, Joanes Illarregi Marzol, Alaia Martin Etxebeste, Maialen Lujanbio Zugasti, Sustrai Colina Acordarrementeria eta Beñat Gaztelumendi Arandia bertsolariek, Ion Zaldua Brit gai-emailearen gidaritzapean.
Goizeko saioa 11:00etan hasi da eta, bazkaltzeko tartearen ostean, 17:00etan Alaitz Rekondo Ferrero gai-emailearen gidaritzapean jarraitu du. Zortzi bertsolarietatik Amets Arzallus eta Maialen Lujanbio sailkatu dira buruz burukora eta, azken arikertak osatuta, Idoia Anzorandia Kareagak eman du puntuazioaren berri: Maialen Lujanbio da 2022ko Bertsolari Txapelketa Nagusiko txapelduna. Iñaki Muruak jantzi dio txapela. Zorionak, Maialen!
Saioaren sailkapena:
| Maialen Lujanbio | 2240.00 |
| Amets Arzallus | 2166.00 |
| Aitor Mendiluze | 1507.00 |
| Sustrai Colina | 1495.00 |
| Alaia Martin | 1493.50 |
| Beñat Gaztelumendi | 1443.50 |
| Nerea Ibarzabal | 1435.50 |
| Joanes Illarregi | 1421.50 |
Informazio gehiago txapelketaren webgunean.
LAU LETRATXO izeneko bertsoak orobiltzen du ondoen gure eskolaren funtsa eta izaera:
Lau letratxo elkarren ondoan
akronimoa da, brabo!
eta atzean bertso-eskola bat…
Parkatu, askoz gehiago!
A, L, B eta ondoan E,
ALBE lez ezagunago,
bertsolari bik sortu zutena
gaur baino askoz lehenago.
Laurogeian sortu zuten eta
ez ote dugu arraro
hainbeste urtez iraun izana
bertsogintzaren abaro;
Sekretutxo bat badauka baina
irauteak aroz aro:
ALBEN AHOTSAK UGARI DAUDE
BIHOTZA BAKARRA DAGO!!!
Eskolak ematea
Transmisioa ALBEren helburu estrategiko nagusia dela esan genezake, erratzeko beldur handirik gabe. Bertsolariak sortu nahi ditugu, hitza arte bihurtuko duten bertsolari artistak, hain zuzen ere (35. urteurreneko leloak dioen moduan); eta horrek ondo koipeztutako makineria martxan jartzea eskatzen du, ezinbestean. Eskolatik bertsolari-eskolarako jauzia ematen laguntzeko hainbat irakasle eta laguntzaile ditugu. Eurak dira gure proiektuaren zutabe nagusietako bat. .
Ekitaldien antolaketa
Sustapenak ere garrantzi izugarria dauka gurean, bertsolariek inguru egokia behar baitute, beren dimentsio guztietan garatuko badira. Gure urteroko bertso-agenda ikaragarria da. 30 ekitaldi inguru, haietariko zenbait erreferente argiak direnak Euskal Herri mailan. Halandaze, bide beretik jarraitzeko borondate irmoa daukagu..
Ikerkuntza eta berrikuntza lanak
“Aurreak erakusten du atzea nola dantzatu” dio esaera zaharrak. Eta horregatik gara gu atzera begiratzen honen zaleak: etorkizunean urrats sendoak eman nahi ditugulako! Une oro ari gara ALBEkideok pentsatzen zer ekitaldi berri sortu, kudeaketa zelan hobetu, emaitzak zelan ugaritu, jende gehiagorengana zelan heldu… Eta arlo horretan ez daukagu bide erdian gelditzeko ezertariko asmorik. Ez horixe!
Elkarlana
Zorionez, gure helburu anbiziotsuak betetzeko ahaleginean ez gaude bakarrik. Bidelagun ditugu erakundeak, elkarteak, eragileak, zaleak… Haiekin batera eta neurri handi batean haiei esker iritsi gara gauden tokiraino, eta haiekin batera jarraitu nahi dugu bidean aurrera. Mila esker guzti-guztioi bihotz-bihotzez!
