Aurtengoa uda euritsua izango dela dirudi, baina euriak ez ditu bertso saiook oztopatuko: Bertso Jaialdi Mundiala, Ez da kasualitatea, herrietako jaietako saioak... hona hemen ALBEko bertsolariek non kantatuko duten uztailean zehar.
Urtero lez, Algortako San Inazio jaietan bertsoez gozatzeko aukera izango dugu: Kasinoko plazan, 13:00etan bertso saioak egongo dira uztailaren 28an, 30ean eta 31n. Azken egunean, eguerdiko bertso saioa BERTSO MARATOIAren hasiera baino ez da izango: ondoren bertso bazkaria daukagu Gure Toki jatetxean eta, amaitzeko, bertso poteo musikatua ordu txikiak arte. Anima zaitez eta eman izena!
Gorlizko Santiago jaiak uztailaren 24tik 28ra ospatuko dira aurten. Urtero lez, egitarauaren barruan bertso saioa izango dugu Elizako plazan, 20:00etan. Uztailaren 28an, igandean, Naroa Torralba, Aitor Sarriegi, Erika Lagoma eta Igor Elortza arituko dira bertsotan, Oihan Diaz gai-jartzailearen esanetara.
Erromoko jaiak uztailaren 28tik abuztuaren 4ra izango dira aurten eta, urtero lez, bi bertso ekitaldi prestatu ditugu: bertso saioa eta bertso jira. Abuztuaren 1ean, 16:30ean, kantuan izango ditugu Imanol Uria, Igor Elortza, Maddi Ane Txoperena eta Julio Soto bertsolariak, Erlantz Pazosen esanetara. Abuztuaren 3an, 19:00etan, herriko tabernetatik ibilbidea egingo dugu Joanes Illarregi eta Unai Mendiburu bertsolariek lagunduta.
Ekainetik irailera Uribe Kostan egingo diren bertso ekitaldien berri bertsozaleei ematea da agenda honen helburua. Ikusiko duzuenez, lauhileko bete-betea dator, bertsoari dagokionez. Bat egin gurekin eta parte hartu bertsozaleon interes eta atseginerako prestatu ditugun ekimenetan. Gorde datak zuen egutegietan!
Erromoko jaiak uztailaren 28tik abuztuaren 4ra izango dira aurten eta, urtero lez, bi bertso ekitaldi prestatu ditugu: bertso saioa eta bertso jira. Abuztuaren 1ean, 16:30ean, kantuan izango ditugu Imanol Uria, Igor Elortza, Maddi Ane Txoperena eta Julio Soto bertsolariak, Erlantz Pazosen esanetara. Abuztuaren 3an, 19:00etan, herriko tabernetatik ibilbidea egingo dugu Joanes Illarregi eta Unai Mendiburu bertsolariek lagunduta.
Gorlizko Santiago jaiak uztailaren 24tik 28ra ospatuko dira aurten. Urtero lez, egitarauaren barruan bertso saioa izango dugu Elizako plazan, 20:00etan. Uztailaren 28an, igandean, Naroa Torralba, Aitor Sarriegi, Erika Lagoma eta Igor Elortza arituko dira bertsotan, Oihan Diaz gai-jartzailearen esanetara.
Urtero lez, Algortako San Inazio jaietan bertsoez gozatzeko aukera izango dugu: Kasinoko plazan, 13:00etan bertso saioak egongo dira uztailaren 28an, 30ean eta 31n. Azken egunean, eguerdiko bertso saioa BERTSO MARATOIAren hasiera baino ez da izango: ondoren bertso bazkaria daukagu Gure Toki jatetxean eta, amaitzeko, bertso poteo musikatua ordu txikiak arte. Anima zaitez eta eman izena!
Aurtengoa uda euritsua izango dela dirudi, baina euriak ez ditu bertso saiook oztopatuko: Bertso Jaialdi Mundiala, Ez da kasualitatea, herrietako jaietako saioak... hona hemen ALBEko bertsolariek non kantatuko duten uztailean zehar.
2022ko Bertsolari Txapelketa Nagusiko laugarren saioa Gasteizen jokatu da urriaren 2an, Europa Jauregiko Maria de Maeztu entzunaretoan. 650 bertsozaleren aurrean kantatu dute Manex Agirre Arriolabengoa, Iban Urdangarin Lardizabal, Miren Artetxe Sarasola, Amaia Iturriotz Etxaniz, Xabat Galletebeitia Abaroa eta Haritz Mujika Lasa bertsolariek, Oier Azkarraga Grajales gai-emailearen gidaritzapean.
Haritz Mujika izan da saioaren irabazlea, 695,5 punturekin, eta zuzenean sailkatu da Donibane-Garaziko finalaurrekora, urriaren 29an jokatuko dena. Miren Artetxe eta Iban Urdangarin izan dira bigarren eta hirugarren, hurrenez hurren.
Saioaren sailkapena:
| Haritz Mujika | 695.50 |
| Miren Artetxe | 670.00 |
| Iban Urdangarin | 660.50 |
| Xabat Galletebeitia | 655.50 |
| Amaia Iturriotz | 648.00 |
| Manex Agirre | 573.50 |
Informazio gehiago txapelketaren webgunean.
LAU LETRATXO izeneko bertsoak orobiltzen du ondoen gure eskolaren funtsa eta izaera:
Lau letratxo elkarren ondoan
akronimoa da, brabo!
eta atzean bertso-eskola bat…
Parkatu, askoz gehiago!
A, L, B eta ondoan E,
ALBE lez ezagunago,
bertsolari bik sortu zutena
gaur baino askoz lehenago.
Laurogeian sortu zuten eta
ez ote dugu arraro
hainbeste urtez iraun izana
bertsogintzaren abaro;
Sekretutxo bat badauka baina
irauteak aroz aro:
ALBEN AHOTSAK UGARI DAUDE
BIHOTZA BAKARRA DAGO!!!
Eskolak ematea
Transmisioa ALBEren helburu estrategiko nagusia dela esan genezake, erratzeko beldur handirik gabe. Bertsolariak sortu nahi ditugu, hitza arte bihurtuko duten bertsolari artistak, hain zuzen ere (35. urteurreneko leloak dioen moduan); eta horrek ondo koipeztutako makineria martxan jartzea eskatzen du, ezinbestean. Eskolatik bertsolari-eskolarako jauzia ematen laguntzeko hainbat irakasle eta laguntzaile ditugu. Eurak dira gure proiektuaren zutabe nagusietako bat. .
Ekitaldien antolaketa
Sustapenak ere garrantzi izugarria dauka gurean, bertsolariek inguru egokia behar baitute, beren dimentsio guztietan garatuko badira. Gure urteroko bertso-agenda ikaragarria da. 30 ekitaldi inguru, haietariko zenbait erreferente argiak direnak Euskal Herri mailan. Halandaze, bide beretik jarraitzeko borondate irmoa daukagu..
Ikerkuntza eta berrikuntza lanak
“Aurreak erakusten du atzea nola dantzatu” dio esaera zaharrak. Eta horregatik gara gu atzera begiratzen honen zaleak: etorkizunean urrats sendoak eman nahi ditugulako! Une oro ari gara ALBEkideok pentsatzen zer ekitaldi berri sortu, kudeaketa zelan hobetu, emaitzak zelan ugaritu, jende gehiagorengana zelan heldu… Eta arlo horretan ez daukagu bide erdian gelditzeko ezertariko asmorik. Ez horixe!
Elkarlana
Zorionez, gure helburu anbiziotsuak betetzeko ahaleginean ez gaude bakarrik. Bidelagun ditugu erakundeak, elkarteak, eragileak, zaleak… Haiekin batera eta neurri handi batean haiei esker iritsi gara gauden tokiraino, eta haiekin batera jarraitu nahi dugu bidean aurrera. Mila esker guzti-guztioi bihotz-bihotzez!
