Abuztuaren 25ean eta 26an jokatu ziren Lizardi Sariko kanporaketak. Horietan Ekhiñe Zapiain, Bittor Altube, Irantzu Idoate, Iker Ormazabal, Garazi Navarro eta ALBEko Unai Mendiburu izan dira puntu gehien jaso dituzten sei bertsolariak, eta irailaren 1eko finalean lehiatuko dira Zarautzeko Modelo aretoan. Aupa Unai eta animo guztioi!!!

Abuztuaren 24tik 28ra Erandioko San Agustin jaiak ospatuko dira. Abuztuaren 24an, ostegunean, Inazio Vidal, Alaia Martin, Igor Elortza eta Xabat Galletebeitia bertsolariak kantuan izango ditugu Udaletxeko plazan. 20:00etan hasita, Iñaki Beitia Arbildu gai-jartzailearen gidaritzapean.

Algortako Portu Zaharreko jaiak abuztuaren 11tik 14ra izango dira aurten eta, urtero lez, bi bertso saio antolatu ditugu jai batzordearekin batera. 12an, 19:30ean, Andoni Egaña eta Unai Mendiburu bertsolariak izango ditugu kantuan. 14an, 18:00etan, kuadrillen sari banaketaren aurreko saioan bertsotan izango dira Maite Sarasola, Paule Loizaga eta Peio Lago.

Uribe Kostako Mankomunitatearekin antolatutako Balkoirik Balkoi saioaren 4. edizioa izango da abuztuaren 11n. Gorlizko balkoietatik kantuan ibiliko dira Nerea Ibarzabal eta Etxahun Lekue bertsolariak, 20:00etan, Elizako plazatik hasita.

Beroa eta oporrak buruan, herriko jaietako hainbat plazetan kantuan arituko dira ALBEko bertsolariak:

Uztailaren 30etik abuztuaren 6ra egingo dira aurten Erromoko jaiak. Abuztuaren 3an, 16:30ean, kantura datoz Unai Mendiburu*, Jone Uria, Andoni Egaña eta Sustrai Colina bertsolariak, Peru Vidalen gidaritzapean. Abuztuaren 5ean, 19:00etan, txosnagunetik hasita Erromoko tabernetatik bertsotan izango ditugu Jon Maia eta Imanol Uria.