Euria barra-barra hasi dugu urteko hilik laburrena, neguko eguzkia noiz aterako zain. ALBEko bertsolariek, egueraldiari kasurik ez eta hurrengo plazetan kantatuko dute hilabetean zehar:

GURE! jaialdiarekin eta Tartanga ikastetxearekin elkarlanean, otsailaren 7an 14:00etan, Bodega Riojanon izango ditugu Unai Mendiburu eta Paule Loizaga bertsolariak Erandioko tabernak girotzen! Anima zaitezte, giro paregabea egongo da eta!

Euskal Herriko 8 bertsolari gazte Getxoko uretan lehiatuko dira 7an, larunbata: June Aiestaran, Beñat Zeberio, Enara Gallastegi, Irune Basagoiti, Aitor Tatiegi, Bittor Altube, Kattin Madariaga eta Hegoi Amabizka. Lehenengo kanporaketa 17:30an jokatuko da Saniko tabernan, eta bigarrena 19:00etan Las Barreras tabernan. Finala 21:00etan hasiko da Abian elkartean. Nork jantziko ote du Abrako txapela?

Urtea ondo amaitzeko, abenduaren 30ean bertso poteoa daukagu Algortan, Abian kultur elkartearekin batera antolatuta. Unai Mendiburu eta Amets Arzallus bertsolariak kantuan izango ditugu 20:00etan Triku tabernan, ondoren Mugarrin eta ibilbidea Abian elkartean amaituko dute. Ez hutsik egin bertso urteko azken saiora!

Agendan dagoeneko finkatuta dagoen saioa da Erandioko bertso jira musikatua, Berbotsekin batera antolatuta. Aurten, abenduaren 26an, Nerea Ibarzabal eta Etxahun Lekue bertsolariak izango ditugu kantuan, 20:30ean Estrella tabernatik hasita. Musika Kulunkan taldeko kideek jarriko dute. Anima zaitez, bertsozale, eta erdu gurekin!

Leioako udalaren babesarekin urtarrilaren 17an bertso saio berria antolatu dugu. 19:00etan hasita, Euskal Herriko txoko desberdinetako sei bertsolari izango ditugu Kultur Leioako Auditoriumean kantuan, Beñat Vidalen gidaritzapean: Ekhiñe Zapiain, Alaia Martin, Peru Vidal, Amets Arzallus, Unai Mendiburu eta Amets Arzallus. Erdu, bersozale, sarrerak dagoeneko eskuragai daude eta!