Eguraldiaren kexa gehienen ahotan dabilen egunokaz, ALBEren UDAKO BERTSO-ESKAINTZA aurteztera gatoz, ondo jakinik euskal uda kulturalak atsegin dituela bertso-zaparradak!
Itsaso Bartolome diseinatzaileak ere lagundu digu udako kartelei argia eta distira ematen, bere forma eta kolore biziekin. Goazen, bada, ALBEren bertso-itsasoan murgiltzera!!!
Bertsozaletzeko moduko egun pasa zoragarria. Aurton Erandio aldean, Marian gogoan. Akarlandatik Martiartura, Fredi Cicerone dugula. Bazkaria Piñubarrin. Bazkalostean Roberto Etxebarria eta Idoia Markaida. Eta ostean, ahotsa galdu arteko bertso jarduna: hasiberriak, aritutakoak, beteranoak, gazteak eta gazteagoak... Eman izena lehenbailehen!!!
Villabona, 1801, balkoi banatan Jose Joakin Erroizena "Txabolategi" hernaniarra eta Juan Inazio Zabala amezketarra. Algorta, 2018, balkoi banatan Maialen Lujanbio hernaniarra eta Amets Arzallus hendaiarra. Utzi istorioak eta ekainaren 22an etorri Portu Zaharrera HISTORIA hizki larriz egitera!
BBTren udaberriko faseko saioak amaituta, Udazkeneko Fasera nortzuk pasatu diren erabaki da. ALBEtik 16 bertsolari hasi ziren eta 8 pasa dira hurrengo fasera, ZORIONAK!
Bertso otorduak antolatzeko asmoa aspaldiko ametsa zuten San Nikolas ikastolako lagunek. Eta azkenean bete egin dute amets hori, maiatzaren 19an izango baita lehenengo bertso afaria, Fredi Paia eta Oihana Bartrarekin. Lehenbailehen eman izena, ez zaitezen lotu ekimen historiko honetatik aparte!
Eskolatik plazara bide luzea dago, eta ALBEkumeek tipi-tapaka egin ohi dute bidaia hori. Maiatzaren 17an erakustaldia egingo dute ALBEko ume-gaztetxo-gazteek Areetako Andres Isasi musika eskolan. Alaia Martin eta Unai Mendiburu izango dituzte bidelagun.