ALBEko Haritz Urrutikoetxeak aplikazio berria egin berri du bertsozale guztiontzat: ERRIMATEGIA! Ez da egiten duen lehena, eta ez da azkena izango, bide beretik jarraitzeko gogoa baitu. Sartu barrura aplikazioa hobeto ezagutzeko. Mila esker, Haritz (balitz, hitz, bits...) eta eutsi goiari (hari, ari, adi, errimari...)!

2017ko abenduaren 17an BEC-en jokatuko da BERTSOLARI TXAPELKETA NAGUSIko finala eta Euskal Herriko Bertsozale Elkarteari laguntza emateko ALBEren bitartez ere finaleko sarrerak erosi daitezke.

Bertsolaritza eta zientzia ezin elkartu daitezkeela uste baldin bazenuen, baliteke 2017ko irailaren 22tik aurrera iritziz aldatzea. Izan ere, egun horretan Maialen Lujanbioren, Jone Uriaren, eta Amets Arzallusen neurtitzek irauli egingo dute hiru zientzialariren zenbakiak! Edo ez? Zubilana Kike Amonarrizen esku. Biderka ditzagun gure ahaleginak tamaina horretako gertakariaren lekuko zuzenak izateko!

Badator HITZAREN DANTZA ekimenaren 3. edizioa! Heldu da hitza dantzan jartzeko ordua, Irailaren 17an egun osoko egitaraua izango dugu Getxon! Jantzi arrantzalez zein baserritarrez eta irten gurekin plazara hitza dantzatzera!!!

Gabriel Arestik behinola esan zuen "Erandio, erdarak odola edan dio". Baina Berbots Euskara Taldearen eguneroko transfusioei esker, osasuntsu dago egun Erandio herria, abuztuaren 27ko bertso saioa lekuko. EHko ekialdea eta mendebaldea bertso zubiz batuko dira Nahikari Ayoren esanetara. Etorri euskal odola ematera!

Algortako Portu Zaharreko Etxetxu plazak bertako eskailera maila beste bertso eder entzun ditu, hango giro kresaltsu sorgintzailean. Abuztuaren 12an S. Lizasok eta I. Vidalek eutsi egingo diote tradizio luzeari. Marmitako eguneko sari ematea ALBEko gazteen kontu. Laster jausiko zara kai zaharreko euskal xarmaren sareetan!