Eskolatik Plazara  bertsolaritza ikasleak bertso mundura hurbiltzeko helburua duen saioa da. Aurten, COVID egoera dela eta, ohiko formatua aldatu dugu eta bertsolariak eskoletara eramango ditugu. Maiatzaren 24tik 27ra bitartean, June Diaz, Peio Lago, Jare Torralba, Oier Errementeria, Izaro Gaskon, Maialen Lago, Mikel Arrate eta Peru Irastorza ALBEko bertsolari gazteek saio bana eskeiniko dizkiete Getxoko ikastetxeetako bertsolaritza ikasleei.

BBK Sariketako lehen finalaurrekoa Abadiñon jokatu zen atzo, azaroaren 15ean. Errota Kultur Etxean Uribe Kostako eta Uribe Butroeko taldeak lehiatu dira Traña-Matiena eskolako eta Abadiño BHIko ikasleen aurrean. Uribe Kostako taldeak bildu ditu puntu gehien eta azaroaren 29an BBK Salan izango den finalera sailkatu da. Zorionak!

Maiatzaren 4an, 5ean eta 10ean Bizkaiko Eskolarteko Bertsolari Txapelketako kanporaketak jokatuko dira. Parte hartuko duten bertsolarien artean, Oier Rementeria, Jare Torralba, Peio Lago, June Diaz eta Maialen Lago ALBEko gazteak egongo dira bertan, haien maila erakusten! Kanporaketen irabazleak maiatzaren 29an jokatuko den finalean lehiatuko dira.

Eguna: Maiatzaren 24a, 25a, 26a eta 27a

Ikastetxeak: San Nikolas, Gobela, Zubileta, Andra Mari, Geroa eta Zabala

ALBEko bertsolari gazteak: June Diaz, Peio Lago, Jare Torralba, Oier Errementeria, Izaro Gaskon, Maialen Lago, Mikel Arrate eta Peru Irastorza

2021a bertso urte gogoangarria izan da gurean. Eskolak bertso agenda potentea burutu du, eskualde osoko plazak bertsozale gogotsuz betez. Bestetik, eskolak arazo barik eman dira maila guztietan, eta gazteek BBKko txapela ere ekarri dute. Eta Jonek ginga ipini dio tartari, Bizkaiko Bertsolari Txapelketako buruz burukoan sartuta, eta final itzela jokatuta. ZORIONAK DENOI ETA BERTSO URTE BERRI ON!!!

Bizkaiko Eskolarteko Bertsolari Txapelketako finala Igorren jokatu zen maiatzaren 29an. Araitz Katarain, Ixone Asategi, Izaro Bilbao, Janire Arrizabalaga, Jokin Ansotegi, eta ALBEko June Diaz, Maialen Lago eta Peio Lago bertsolariak lehiatu ziren larunbatean. Buruz burukora Janire eta June sailkatu ziren, Euskal Herriko Eskolarteko finalean lehiatzeko txartela lortuz. Azkenean, Janire Arrizabalagak jantzi zuen txapela, puntu gehien irabazi ostean. 

Bizkaiko Eskolarteko Bertsolari Txapelketako kanporaketak maiatzaren 3an, 4an eta 10ean jokatu dira. Zortzi bertsolari lehiatuko dira maiatzaren 29an Igorreko Lasarte Aretoanjokatuko den finalean: Ander Sarriugarte, Janire Arrizabalaga, Araitz Katarain, Ixone Asategi, Izaro Bilbao, Jokin Ansotegi eta ALBEko June Diaz eta Peio Lago. Sarrerak laster egongo dira eskuragarri.

 Maiatzean gazteek plazak beteko dituzte! Bizkaiko eskolarteko kanporaketa, sariketa, saio berezi eta mahai-inguruetan hartuko dute parte ALBEko bertsolari gazteek:

Bihar, abenduaren 24an, Olentzero eta Mari Domingiren etorrerarekin lotutako hainbat ekintza egongo dira egunean zehar eskoletako plazan, Berantzagi dantza taldeak antolatuta. Horien artean, 13:00etan kantuan izango ditugu aurten BBK sariketa irabazi duten Maialen Lago, Peio Lago, Jare Torralba eta June Diaz ALBEko bertsolari gazteak. Hurbildu zaitezte!

Abenduaren 24an, Areetako eskoletako plazan Olentzero eta Mari Domingiri ongietorria egingo diogu Berantzagi dantza taldeak antolatutako hainbat ekintzekin. Horien artean, 13:00etan June Diaz, Maialen Lagoeta Peio Lago ALBEko bertsolari gazteak izango ditugu kantuan. 

Bueltan da Egizuk antolatutako Umeen San Juan Sua! Ostegunean, ekainaren 23an, San Nikolas plazan egongo dira ALBEko bertsolari gazteak, urteko egunik luzeena berotzen. Egizuk hainbat ekintza antolatu ditu umeen gozamenerako, eta 20:30ean, June Diaz, Maialen Lago eta Peio Lago izango ditugu bertsotan. Anima zaitezte!

Abendura heldu gara. ALBEko bertsolariekbertso urteari amaiera emango diote txapelketa, jaialdi eta bertso saio berezi hauekin!

Azaroan, txapelketa, bertso afari, jaialdi eta bertso saio berezietan ibiliko dira ALBEko bertsolariak!

Maiatza atzean utzi dugu, eta ALBEko bertsolariek gogoz hartu dituzte ekaineko plaza ezberdinak. Hilabete honetan jaialdiak, poteoak, sariketak eta jaietako bertso saioak ditugu egutegian:

Urrian zehar jokatu dira XXIX. BBK Sariketako kanporaketak. Uribe Kostako taldea ALBEko bertsolariek osatzen dute: 18 urtera artekoan June Diaz, Maialen Lago eta Peio Lago; 25 urtera artekoan Mikel Arrate, Oihan Diaz eta Peru Irastorza. Lehenengo finalaurrekoa azaroaren 15ean jokatuko da Uribe Kosta eta Uribe Butroe taldeen artean. 

Bertsolari Gazteen XXIX. BBK Sariketaren finala azaroaren 29an, astelehenean, jokatuko da Bilboko BBK Salan. URIBE KOSTA eta LEA-ARTIBAI taldeak lehiatuko dira bertan, 18:00etan hasita. Sarrera doakoa izango da, baina aldez aurretik hartu beharko da Bertsozale Elkartearen webgunean.

Bertsolari Gazteen XXIX. BBK Sariketaren finalagaur jokatu da, azaroaren 29an, Bilboko BBK Salan. URIBE KOSTA eta LEA-ARTIBAI taldeen arteko lehian, URIBE KOSTA nagusitu da azkenean. Zorionik beroenak denoi!