Ez da erraza 2016ko bagilaren 25ean ALBEk Uribe Kostan zehar egin zuen bertso-egunaren mikronika egitea, egitaraua, ekitaldiak eta giroa makro-makro- makro izan zirelako! Baina ahaleginduko gara “seguidilla” bat “kopla txiki” bihurtzen. 

Barrikako jai-batzordeko lagunek nekazaritza-azoka antolatu zuten ekainaren 19an Barrikako San Juan Jaien barruan. Udaletxe-plazako karpapean giro ederra arnasten zen: sasoi hobeezina, hainbat nekazari haien bendeja saltzeko irrikitan, jendetza hara eta hona. Eta  giro horren erdi-erdian ALBErtsolari bi posturik postu bertsoak aireratzeko prest: Josu Landeta eta Iñigo Kortazar.

Eguraldiaren aurreikuspenari muzin eginez, 60 lagun inguru batu ginen pasa den barikuan Portu Zaharrean Jone Uria Albizuri algortarra eta Beñat Gaztelumendi Arandia añorgarra bertsotan ikus-entzuteko.

Egun ederra izan zen bagilaren 4a. Getxotik irten zen Bizkaiko Bertsozale Elkarteak antolatutako autobusa, Hernaniko Ereñotzu auzorantz. Izan ere, bertan zen egiteakoa Euskal Herri mailako Eskolarteko Bertsolarien Finala. ALBEko dozena bat lagun animatu ziren Unai Mendiburu Algortako bertsolari gaztea animatzera (Unai Getxon jokatu zen Bizkaiko Finalean sailkatu zen Euskal Herrikorako, Txaber Altuberekin batera). Iurretan beste dozena erdi durangar batu ziren, eta Ermua aldean BBEko burua den Asier Ibaibarriaga.

2016ko maiatzaren 22a egun seinalatua zen Getxon: Fadura kiroldegian bertso-ekitaldi bikoitza zen egitekoa. Goizean Bizkaiko Eskolalarteko idatzizko eta bat-bateko finalak, batetik, eta arrastian Bizkaiko Bertsolari Txapelketako Udaberri faseko akabuko saioa. Arrakasta handiz egin ziren bi-biak, parte hartze handiaz eta giro ezin hobean.

Eguerdiko 12:00etan zen hitzordua, Astrabuduko Trabudu plazan, hain zuzen ere. Tantaka heltzen joan ginen albekideak poteoa hasteko adostutako “Primera linea” tabernara. Eta han, lehen lerroan, inongo lubakiren beharrik gabe, zain geneuzkan ordurako Beratik heldutako Patxi eta Aitor. Albekideok, lubakirako joerarik ez dugu izaten, baina badaezpada beti gurekin eramaten dugun nolabaiteko defentsarako arma atera genuen, Landetar bat eskusoinuarekin. Ez, ez da gerlari on bat arma batekin, konbinazioa bera da arma.