Udaberria bertsotan sailkapen fasea ostegun honetan hasiko da, maiatzaren 8an, Bakioko eta Munitibarreko kanporaketekin. ALBEko bi bertsolarik hartuko dute parte: Imanol Uria Albizuri Bakioko kanporaketan lehiatuko da eta June Diaz Francok Munitibarrekoan kantatuko du. Zorte on bioi! Saio biak 18:30ean hasiko dira eta sarrerak bertsosarrerak.eus webgunean erosi daitezke.
Euria ekarri du maiatzaren hasierak, baina hala ere bertso plazak ugariak dira Bizkaia osoan: Eskolatik Plazara, herriko jaietako saioak, txapelketak, sariketak... Hona hemen ALBEko bertsolariak non abestuko duten hil honetan:
Maiatzaren 8an hasiko da Udabarria bertsotan, 2025ko Bizkaiko Bertsolari Txapelketako sailkapen fasea. Maiatzeko lau eguenetan egingo diren zortzi saioetan 48 bertsolarik hartuko dute parte; horietatik bederatzi ALBEkoak dira: June Diaz, Imanol Uria, Inazio Vidal, Aitor Esteban, Kerman Diaz, Paule Loizaga, Peru Vidal, Peru Irastortza eta Naroa Torralba. Zorte on guztioi!
Otsailetik maiatzera Uribe Kostan egingo diren bertso ekitaldien berri bertsozaleei ematea da agenda honen helburua. Bat egin gurekin eta parte hartu bertsozaleon interes eta atseginerako prestatu ditugun ekimenetan. Lauhilekoa bertsoz bete-betea dator, gorde datak zuen egutegietan!
"Edonor izan daiteke bertsolari neurri batean. Bizikletan ibiltzen edonork ikas dezake? Bertsotan, berdin". Horixe esan zuen Xabier Amuriza bertsolari handiak. Eta zuk, bertsotan ikasi nahi duzu? Bada, etorri Algortako Bertsolari Eskolara! ALBEko ateak zabalik dituzu.12 eta 18 urte bitarteko taldean eta helduen taldean
Udaberria bertsotan sailkapen fasea ostegun honetan hasiko da, maiatzaren 8an, Bakioko eta Munitibarreko kanporaketekin. ALBEko bi bertsolarik hartuko dute parte: Imanol Uria Albizuri Bakioko kanporaketan lehiatuko da eta June Diaz Francok Munitibarrekoan kantatuko du. Zorte on bioi! Saio biak 18:30ean hasiko dira eta sarrerak bertsosarrerak.eus webgunean erosi daitezke.
Euria ekarri du maiatzaren hasierak, baina hala ere bertso plazak ugariak dira Bizkaia osoan: Eskolatik Plazara, herriko jaietako saioak, txapelketak, sariketak... Hona hemen ALBEko bertsolariak non abestuko duten hil honetan:
Getxoko bertsolaritza ikasleek plaza erreala dastatzeko aukera izango dute astelehenean, maiatzaren 5ean. Goizeko 10:00etan, Nahikari Ayo irakaslea izango dute gidari, Ane Labaka eta Peio Lago bertsolariak bidelagun direlarik. Aurten lehen aldiz, Portu Zaharreko landan gauzatuko da ekimena, Gure Zirkuko artisten parte hartzearekin.
Apirilean sarri euri eta euri egin ohi du, baina eguzki eta bertso plazekin hasi dugu aurten hilabetea. Hona hemen ALBEko bertsolariek non kantatuko duten:
Apirilaren 14an hasiko da Bilbon Bizkaiko Bertsolari Txapelketaren udabarriko fasea. Bizkaiko 11 herritan, 13 saio egingo dira eta 78 bertsolarik hartuko dute parte fase honetan. ALBEtik 17 bertsolari ibiliko dira txapelketan eta gai jartzaile, epaile eta talde antolatzailean ere bertso eskolako hainbat kide arituko dira. Eskerrik asko eta zorte on danori!
Udabarriko fasearen ostean, udazkenekoa egingo da eta hemen 30 bertsolarik kantatuko dute, udabarriko fasetik sailkatutakoak eta 2014ko finalista izan zirenak. 2016an finalista izandakoak finalaurrekoetako fasean sartuko dira zuzenean, eta horien artean izango da ALBEko Jone Uria, 2016ko finalean hirugarren egin ondoren.
UDABERRIKO FASEKO SAIOAK:
|
BILBO 2018/04/14 17:30, BBK Sala Asier Legarreta Bikain Urkiri Ekaitz Larrazabal "Katxo" Maddalen Ruesgas Mikel Goiriena Peru Astigarraga |
DERIO 2018/04/15 17:30, Gure aretoa Aissa Intxausti Enare Muniategi Iñigo Kortazar Koldo Gezuraga Malen Amenabar Mikel Retolaza |
OTXANDIO 2018/04/21 17:30, Otxandion Aitor Etxebarriazarraga Beñat Vidal Imanol Uria Jontxu Martinez Josune Aramendi Lurdes Ondaro |
ONDARROA 2018/04/22 12:00, Gaztetxea Aitor Ruiz Arrate Illaro Asier Galarza Nahia Ibarzabal Peru Vidal Unai Mendiburu |
|
ONDARROA 2018/04/22 17:30, Gaztetxea Aitor Arrizubieta Iker Apraiz Illart Gumuzio Inazio Vidal Lander Ibarluzea Txaber Altube |
GAUTEGIZ-ARTEAGA 2018/04/28 17:30, Udal aretoa Igor Galarza Iker Garitagoitia Itxaso Paia Joseba Barandiaran Julen Ibarguengoitia Maider Barañano |
BALMASEDA 2018/05/06 17:30,Balmaseda Aitor Bizkarra Aritz Landeta Beñat Molina Ion Barrocal Iñaki Lersundi Jon Ander Urkiaga |
ELORRIO 2018/05/12 17:30, Arriola antzokia Aitor Esteban Ander Elortegi Iker Uriarte Jon Arano Mikel Aiartzaguena Unai Agirre |
|
GETXO 2018/05/13 12:00, Fadura kiroldegia Axier Goñi Eneko Aldana Gorka Pagonabarraga Ibai Amillategi Josu Landeta Peio Ormazabal |
GETXO 2018/05/13 17:30, Fadura kiroldegia Beñat Romero Eneko Abasolo Garazi Navarro Iñaki Iturriotz Jone Larrinaga Mikel Galartza |
AREATZA 2018/05/19 17:30, Areatzako aretoa Ander Ucelay Asier Alcedo Garikoitz Sarriugarte Markel Baroja Naroa Torralba Xabier Iturraspe |
ERANDIO 2018/05/20 17:30, Josu Murueta Kultur etxea Beñat Bilbao Eneko Barruetabeña Galder Bilbao "Txapi" Imanol Arrutia Julen Erezuma Paule Loizaga |
|
ABADIÑO 2018/05/26 17:30, Errota Kultur Etxea Ander Anakabe Arkaitz Zipitria Asier Urkiza Eneko Arrate Gurutz Uruburu Ibon Larrazabal |
Gai-jartzaile taldea: Ainhoa Urien , Amaia Ugalde, Begoñe Olabarria, Belate Olabarria, Bernar Mandaluniz, Idoia Anzorandia, Igor Menika, Itxaro Juaristi, Leire Garatxena, Maider Arizmendiarrieta, Maite Berriozabal, Oier Iturralde, Olatz Larrinaga, Xabi Sainz de la Maza eta Zihara Enbeita.
Epaile taldea: Alaitz Etxanobe, Ander Txakartegi, Iñaki Aurrekoetxea, Itziar Basterretxea, Jon Jaio, Joseba Santxo, Josu Telleria, Jurgi Fuentes, Leire Etxebarria, Mirari Azula, Miriam Juaristi, Moises Enbeita.
Txapelketako Talde Antolatzailea: Arkaitz Zipitria, Asier Ibaibarriaga, Beñat Vidal, Fernan Otsoa de Zabalegi, Idoia Anzorandia, Illart Gumuzio, Ione Narbaiza, Itziar Basterretxea, Jone Antsotegi, Joseba Etxebarria, Joseba Santxo, Josu Telleria, Maddi Ibaibarriaga, Maider Arizmendiarrieta, eta Moises Enbeita.
Informazio gehiago nahi baduzu sakatu hemen.
LAU LETRATXO izeneko bertsoak orobiltzen du ondoen gure eskolaren funtsa eta izaera:
Lau letratxo elkarren ondoan
akronimoa da, brabo!
eta atzean bertso-eskola bat…
Parkatu, askoz gehiago!
A, L, B eta ondoan E,
ALBE lez ezagunago,
bertsolari bik sortu zutena
gaur baino askoz lehenago.
Laurogeian sortu zuten eta
ez ote dugu arraro
hainbeste urtez iraun izana
bertsogintzaren abaro;
Sekretutxo bat badauka baina
irauteak aroz aro:
ALBEN AHOTSAK UGARI DAUDE
BIHOTZA BAKARRA DAGO!!!
Eskolak ematea
Transmisioa ALBEren helburu estrategiko nagusia dela esan genezake, erratzeko beldur handirik gabe. Bertsolariak sortu nahi ditugu, hitza arte bihurtuko duten bertsolari artistak, hain zuzen ere (35. urteurreneko leloak dioen moduan); eta horrek ondo koipeztutako makineria martxan jartzea eskatzen du, ezinbestean. Eskolatik bertsolari-eskolarako jauzia ematen laguntzeko hainbat irakasle eta laguntzaile ditugu. Eurak dira gure proiektuaren zutabe nagusietako bat. .
Ekitaldien antolaketa
Sustapenak ere garrantzi izugarria dauka gurean, bertsolariek inguru egokia behar baitute, beren dimentsio guztietan garatuko badira. Gure urteroko bertso-agenda ikaragarria da. 30 ekitaldi inguru, haietariko zenbait erreferente argiak direnak Euskal Herri mailan. Halandaze, bide beretik jarraitzeko borondate irmoa daukagu..
Ikerkuntza eta berrikuntza lanak
“Aurreak erakusten du atzea nola dantzatu” dio esaera zaharrak. Eta horregatik gara gu atzera begiratzen honen zaleak: etorkizunean urrats sendoak eman nahi ditugulako! Une oro ari gara ALBEkideok pentsatzen zer ekitaldi berri sortu, kudeaketa zelan hobetu, emaitzak zelan ugaritu, jende gehiagorengana zelan heldu… Eta arlo horretan ez daukagu bide erdian gelditzeko ezertariko asmorik. Ez horixe!
Elkarlana
Zorionez, gure helburu anbiziotsuak betetzeko ahaleginean ez gaude bakarrik. Bidelagun ditugu erakundeak, elkarteak, eragileak, zaleak… Haiekin batera eta neurri handi batean haiei esker iritsi gara gauden tokiraino, eta haiekin batera jarraitu nahi dugu bidean aurrera. Mila esker guzti-guztioi bihotz-bihotzez!
