Andra Mariko jaiak maiatzaren 9tik 17ra bitartean izango dira aurten. Azken urteetan egin izan den moduan, aurten ere jaietako azken egunean, domekan, bertsotan izango dugu eskolako bertsolariak: Julen Ibañez, Jone Uria, Aritz Landeta eta Peru Vidal. 12:30ean, aparkalekuko eszenatokian, Nagore Landeta gai-jartzailearen gidaritzapean. Animatu!
Maiatzak euriz eta eguzkiz agurtu gaitu, baina eguraldi eroak ez ditu gure ALBErtsolariak kikilduko. Hona hemen non kantatuko duten hilean zehar:
Urtarrilaren 14tik martxoaren 4ra, 16 urtetik gora duen edonork bertsotan ikasteko aukera izango du ALBEk antolatutako hasiberrientzako ikastaroan. Interesatuak Algortako Aldai patronatuan elkartuko dira astezkenetan, 18:30etatik 19:30etara. Matrikula 25€-koa da. Izena emateko idatzi 605704385 telefonora edota albegetxo@gmail.com helbidera. Gozatu lagun artean bertsoen artean!
Andra Mariko jaiak maiatzaren 9tik 17ra bitartean izango dira aurten. Azken urteetan egin izan den moduan, aurten ere jaietako azken egunean, domekan, bertsotan izango dugu eskolako bertsolariak: Julen Ibañez, Jone Uria, Aritz Landeta eta Peru Vidal. 12:30ean, aparkalekuko eszenatokian, Nagore Landeta gai-jartzailearen gidaritzapean. Animatu!
Maiatzak euriz eta eguzkiz agurtu gaitu, baina eguraldi eroak ez ditu gure ALBErtsolariak kikilduko. Hona hemen non kantatuko duten hilean zehar:
Urtero bezala, Berbots euskara elkarteak Kanpomartxo jaialdia antolatu du Erandion, aurten Asua auzoan. Ekintzen eskaintza zabalaren barruan, 13:30ean bertso saio batez disfrutatzeko aukera izango dugu, Imanol Uria eta Alaia Martin bertsolariekin. Animatu eta hurbildu zaitezte!
Algortako Azebarri kultur elkartean elkartuko gara maiatzaren 8an, ostiralean, 21:00etan, bapo afaldu eta Nerea Ibarzabalen eta Jon Maiaren bertsoez gozatzeko. Anima zaitez eta eman izena lehenbailehen!
2023ko Bizkaiko Bertsolari Txapelketako bigarren finalaurrekoa azaroaren 18an jokatu da Santurtziko Serantes kultur aretoan. Kantuan Aitor Bizkarra, Bittor Altube, Jone Uria, Mikel Goiriena, Txaber Altube eta Unai Mendiburu bertsolariak aritu dira, Igor Menika Bengoetxea gai-jartzailearen gidaritzapean. Lan puntuagarriak amaitu ostean, Jone Uria Albizurik bildu ditu puntu gehien, 616,5. Beraz, abenduaren 16ko finalera sailkatu da zuzenean.
Sailkapena:
Azken finalaurrekoa azaroaren 25ean izango da, Lemoan, Aissa Intxausti, Ibai Amillategi, Josune Aramendi, Nerea Ibarzabal, Oihana Bartra eta Onintza Enbeita bertsolariekin.
Informazio gehiago Bertsozale Elkartearen webgunean duzue ikusgai.
LAU LETRATXO izeneko bertsoak orobiltzen du ondoen gure eskolaren funtsa eta izaera:
Lau letratxo elkarren ondoan
akronimoa da, brabo!
eta atzean bertso-eskola bat…
Parkatu, askoz gehiago!
A, L, B eta ondoan E,
ALBE lez ezagunago,
bertsolari bik sortu zutena
gaur baino askoz lehenago.
Laurogeian sortu zuten eta
ez ote dugu arraro
hainbeste urtez iraun izana
bertsogintzaren abaro;
Sekretutxo bat badauka baina
irauteak aroz aro:
ALBEN AHOTSAK UGARI DAUDE
BIHOTZA BAKARRA DAGO!!!
Eskolak ematea
Transmisioa ALBEren helburu estrategiko nagusia dela esan genezake, erratzeko beldur handirik gabe. Bertsolariak sortu nahi ditugu, hitza arte bihurtuko duten bertsolari artistak, hain zuzen ere (35. urteurreneko leloak dioen moduan); eta horrek ondo koipeztutako makineria martxan jartzea eskatzen du, ezinbestean. Eskolatik bertsolari-eskolarako jauzia ematen laguntzeko hainbat irakasle eta laguntzaile ditugu. Eurak dira gure proiektuaren zutabe nagusietako bat. .
Ekitaldien antolaketa
Sustapenak ere garrantzi izugarria dauka gurean, bertsolariek inguru egokia behar baitute, beren dimentsio guztietan garatuko badira. Gure urteroko bertso-agenda ikaragarria da. 30 ekitaldi inguru, haietariko zenbait erreferente argiak direnak Euskal Herri mailan. Halandaze, bide beretik jarraitzeko borondate irmoa daukagu..
Ikerkuntza eta berrikuntza lanak
“Aurreak erakusten du atzea nola dantzatu” dio esaera zaharrak. Eta horregatik gara gu atzera begiratzen honen zaleak: etorkizunean urrats sendoak eman nahi ditugulako! Une oro ari gara ALBEkideok pentsatzen zer ekitaldi berri sortu, kudeaketa zelan hobetu, emaitzak zelan ugaritu, jende gehiagorengana zelan heldu… Eta arlo horretan ez daukagu bide erdian gelditzeko ezertariko asmorik. Ez horixe!
Elkarlana
Zorionez, gure helburu anbiziotsuak betetzeko ahaleginean ez gaude bakarrik. Bidelagun ditugu erakundeak, elkarteak, eragileak, zaleak… Haiekin batera eta neurri handi batean haiei esker iritsi gara gauden tokiraino, eta haiekin batera jarraitu nahi dugu bidean aurrera. Mila esker guzti-guztioi bihotz-bihotzez!
