Larunbatean, martxoak 23, Jone Uriak irabazi zuen 2024ko Uribe Kostako Bertsolari Txapelketa. Finalaurrekoak Algortako Villamonte, Saniko eta Katea tabernetan jokatu ziren, eta finala Azebarrin: Finalean 6 bertsolari lehiatu ziren: Oier Aizpurua, Imanol Uria, Jone Uria, Kerman Diaz, Peru Vidal eta Paule Loizaga. Kerman eta Jone heldu ziren buruz burukora, eta azkenean Jonek jantzi zuen txapela. ZORIONAK!!!

2024ko Uribe Kosta Bertsolari Txapelketako azken bi kanporaketak izan ziren ostiralean, martxoaren 15ean, Sopelan. Saioetako irabazleak Kerman Diaz eta Paule Loizaga izan ziren eta martxoaren 23ko finalaurrekoetara pasatuko dira zuzenean. Beste bertsolariak puntuazioaren arabera sailkatuko dira.

Martxoaren 21ean, Korrika Sopelatik pasa dela ospatzeko, bertso jira musikatua izango dugu Etxahun Lekue eta Inazio Vidal bertsolariekin. Lurren tabernatik hasita, 19:00etan, Gentzane Fernandez eta Ander Trabudua musikariek lagunduta.

Martxoaren 15ean, ostiralean, Bizkaiko taldekako bertso txapelketaren laugarren edizioari emango zaio hasiera Gernika-Lumoko kanporaketarekin. Aurtengoan hamasei taldek eman dute izena, eta gure eskualdea hiru taldek ordezkatuko dute: Karidadeko masokistak, Leioatik leioara eta Piratak bertso-taldea. Gora Uribe Kostako bertsogintza!!!

ALBEko German Kortabarriak bigarren saria irabazi du Bertsopentsiotan I. Bertso Jarrien Lehiaketan, Francoren mende jaioak gara izeneko bertso sortarekin. Lehenengo saria Rikardo Gonzalez de Duranak irabazi du eta hirugarrena Jesus Peñagarikanok. Guztira 60 bertso sorta aurkeztu ziren. ZORIONAK, German, gozatu sariaz eta segi bertsoak idazten eta kantatzen!