Mutu lotu gara gu, / mutu Berantzagi, / mutu Olentzero ta / domingitar Mari. / Txato, zer indar eman / diozun dantzari! / Orain hartu atseden, / euskotar gudari; / zure izarrak beti / egingo du argi!
ALBEko lagunak
Mutu lotu gara gu, / mutu Berantzagi, / mutu Olentzero ta / domingitar Mari. / Txato, zer indar eman / diozun dantzari! / Orain hartu atseden, / euskotar gudari; / zure izarrak beti / egingo du argi!
ALBEko lagunak
Udaberria dagoenean / ernatzeko indarrean, / isil-isilik joan zara Manus / aztarna utzirik larrean. / Naturazale ta bizizale, / maite zenuen lurrean, / irribarretsu ageri zara / mundu latz honen aurrean. / Mendirik mendi segituz gero / betiko ohitura zaharrean, / agian inoiz batuko gara / zugaz kantuz gailurrean.
ALBEko lagunak
Negua atzean utzi eta udaberriko plazetatik ibiliko dira ALBEko bertsolariak. Hona hemen non kantatuko duten apirilarean zehar:
Apirilaren 22an bertso bazkari klasikoa egingo dugu Algortako Patxeko Etxean. Bapo bazkaldu ostean, Nerea Ibarzabal eta Miren Amuriza bertsolarien etorriak gairik gai eramango gaitu bertso bidaian. Animatu eta eman izena lehenbailehen, tokia mugatua baita!
Uribe Kostako AEK-k antolatuta, txapelketako lehen fasea goizez jokatuko da, tabernaz taberna eta ALBEkideen bertsoez lagunduta. Bazkaldu ondoren, talde finalistek bigarren faseari ekingo diote, Erika Lagomaren eta Xabat Galletebeitiaren bertsoei adi. Izena emateko azken eguna martxoaren 27a da, anima zaitezte!
Apirileko lehen igandean, apirilaren 2an, Berbots elkarteak Kanpomartxo jaialdia antolatu du, Lutxanako geltokiaren ondoan. Egun osoko egitarauaren barruan, 16:30ean Kerman Diaz eta Ane Labaka arituko dira kantuan. Sarrera librea izango da. Anima zaitezte!