Argitaratze data: 2019/02/18
ALBEKO GAZTEAK INDARTSU AURTONGO BERTSO ERRONDAN

Urtarrilaren 29an abiatu ziren Bilboko bertso errondaren kanporaketak, eta dagoeneko hiru ALBEkide sartu zaizkigu otsailaren 28an jokatuko den finalean: Paule Loizaga, Kerman Diaz eta Unai Mendiburu. Eskolako Maddalen Ruesgas eta Maider Barañano ere oso fin aritu ziren. Honen 19an Aritz Landetaren txanda izango da. Ea finalera sartzea lortzen duen!

Argitaratze data: 2019/02/08
JON LOPATEGI JOAN ZAIGU. BETI ARTE, JON!

Bart -2019ko otsailaren 7an- zendu zen Jon Lopategi bertsolari txapeldun handia. ALBEk antolatutako hainbat saiotan kantatuta dago Jon, baina batez ere bertsogintzaren transmisioan egindako lanarengatik gogoratuko dugu. Gurean ere, Algortako San NIkolas eta Sopelako Ander Deuna ikastoletan aritu zen bertsolaritza irakasle, eta ALBEko gazte asko ere bere eskoletatik pasatakoak dira.


Erregu bakarra egiten dizugu, Jon, ALBEren izenean: zoazen lekura zoazela, segi bertso-kantari!

Argitaratze data: 2019/02/01
AURTON ERE, BERTSOZALEOK 'BAZTARRAK INKOMODETAN' IBILIKO GARA!
2019ko katailaren 4an, Agate Deunaren bezperan, ALBEkook AEKko Lauaxeta euskaltegikoekin batera irtengo gara eskualdeko antzinako koplak Getxoko baserrietan kantatzera.
Goizean Larrañazubin eta arrastian Andra Marin. Eguerdian Azebarrin bazkalduko dugu. Erduze geugaz Getxoko lurrak makila hotsean iratzartzera!!!
Argitaratze data: 2019/01/18
Otsailaren 22an jokatuko da XVIII. Abra Saria

Azebarri elkartean izango da, otsailaren 22an. Bertso-afariaren prezioa 10€koa izango da eta izena emateko epea zabalik dago: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. / 605 704 385

Argitaratze data: 2018/12/28
AGUR 2018ARI, LASTER ITZULIKO GARA KANTARI!

Bizitza aroka, sasoika, urteka edo bertso-urteka neur daiteke. ALBEkook akabuko era hori maite dugu, urtean zeharreko bertso-ekitaldiek arrastoa uzten dutelako gugan. Bertsoek zirrara sortzen dute, eta bertsozale-sarea osatzen laguntzen.

Argitaratze data: 2018/12/17
ONINTZA ENBEITA TXAPELDUN 2018ko BIZKAIKO BERTSOLARI TXAPELKETAN

Jone Uria, ALBEko kidea, 4. gelditu da, saio bikaina eginda. Denak oso parean ibili ondoren Onintza Enbeitak irabazi zuen txapela. ZORIONAK! Larunbatean jokatu zen BBTko finala eta Maite Berriozabalek gidatuta, oholtzan aritu ziren Xabat Galletebeitia, Onintza Enbeita, Nerea Ibarzabal, Etxahun Lekue, Aitor Bizkarra, Jone Uria, Miren Amuriza eta Eneko Abasolo "Abarkas".