Argitaratze data: 2021/11/23
Uribe Kosta eta Lea-Artibai lehiatuko dira BBK Sariketaren finalean

Bertsolari Gazteen XXIX. BBK Sariketaren finala azaroaren 29an, astelehenean, jokatuko da Bilboko BBK Salan. URIBE KOSTA eta LEA-ARTIBAI taldeak lehiatuko dira bertan, 18:00etan hasita. Sarrera doakoa izango da, baina aldez aurretik hartu beharko da Bertsozale Elkartearen webgunean.

Argitaratze data: 2021/11/22
Ase Bertsoz apokaliptikoa!

Presta zaitezte munduaren amaierarako! Ostegun honetan, azaroaren 25ean, apokalipsia dator Azebarrira: zonbiak, urakanak, sumendi erupzioak, tsunamiak eta bestelako hondamendiak izango dira Ase Bertsoz honen oinarria. Anima zaitezte eta eman izena!

Argitaratze data: 2021/11/16
BBK-KO LEHEN FINALAURREKOA URIBE KOSTAK IRABAZI DU

BBK Sariketako lehen finalaurrekoa Abadiñon jokatu zen atzo, azaroaren 15ean. Errota Kultur Etxean Uribe Kostako eta Uribe Butroeko taldeak lehiatu dira Traña-Matiena eskolako eta Abadiño BHIko ikasleen aurrean. Uribe Kostako taldeak bildu ditu puntu gehien eta azaroaren 29an BBK Salan izango den finalera sailkatu da. Zorionak!

Argitaratze data: 2021/11/02
AZAROAREN 12AN BERTSO SAIO TEMATIKOA KASINOAN
Hurrengo ostiralean, azaroaren 12an, trap estetikan oinarritutako ekitaldia egongo da Algortako kasinoan. Maialen Lujanbio eta Sustrai Colina bertsolariak izango ditugu kantuan, eta saioa otordutxo batekin lagunduko dugu. Eman izena orain!
Plazarik plaza abenduan

Abendura heldu gara. ALBEko bertsolariek bertso urteari amaiera emango diote txapelketa, jaialdi eta bertso saio berezi hauekin!