Oraingoan ikastaro berrizale baten berri dakarkizuegu. Denok dakigu doinua bat-bateko bertsoaren oinarrizko osagaietako bat dela. Baina ematen ote diogu kantaerari behar besteko garrantzirik? Galdera interesgarri horri erantzuten lagunduko digu Eñaut Agirre bertsolari eta kantari errimeak. Eman izena lehenbailehen!
BIZKAIKO TALDEKAKO TXAPELKETAren lehenengo fasea akabata, ALBEren altzotik urteneko sai taldeetatik talde bakarrak lortu dau aurrera egitea! Orain para gaitezan danok LEIOARA BEGIRA, eta bat egin daigun txapelketearen bigarren fasean jardungo dauen ALBEren ordezkari bakarragaz! Leioagaz lehiara lehoiak lez!!!
Maiatzaren 5ean, Algortako Ekin tabernan BERTSO AFARI TEMATIKOA izango dugu. Aurtengo gaia MEXIKO da, eta bertsotan Unai Iturriaga eta Julio Soto arituko zaizkigu. Ohi bezala, afarira mozorrotuta etortzeko eskatzen dizuegu, horrek asko laguntzen duelako giroa berotzen. Eman izena lehenbailehen festa mexikarrerako! Ez da gatz eta piperrik faltako!
Apirilaren 5aren goizaldean iritsi zitzaigun KORRIKArekin fisikoki bat egiteko unea. Ohi bezala, zangoak astintzeaz gain, AEKren furgoneta geldiezinetik bat-bateko bertso ederra entzuteko aukera izan genuen, oraingoan ALBEren bozeroale lana egin zuen Kerman Diazen ahotik. Ez zitzaion arnasesturik igarri. GORA KORRIKA!!!
Aurten lehenengoz egin da Bilbo aldean BERTSO ERRONDA izeneko bertsolari gazteen lehiaketa. ALBEtik hiru ordezkari joan zitzaizkigun, Paule Loizaga, Unai Mendiburu eta Kerman Diaz, eta hiru-hirurek lortu zuten finalerako sailkatzea. Azkenean UNAI MENDIBURU bertsolari algortarrak lortu zuen txapela! ZORIONAK txapeldunari eta ALBEko ordezkari bikainei!!!
Abian da 20. Korrika, BATZUK lelopean. ALBEk ere BAT egin du Korrikarekin, eta bertso ekitaldi BATZUK antolatu ditu munduko lasterketarik euskaltzaleenaren alde! Orain, berriz, 'oinak emateko' barik, 'oinei emateko' ordua iritsi da. Zatozte ALBEren kilometroa gurekin batera egitera, apirilaren 6an 02:08etatik aurrera, Aiboako BMaren parean. EGIN KM BAT, EGIN BERTSO BATZUK!