ALBEko gazteek sari ugari batu dituzte idatzizko bertsoen atalean. Bat-batekoan Aritz Landeta, Maider Barañano eta Naroa Torralba aritu ziren ALBEren ordezkari, baina tamalez ez zuten lortu ez irabazterik, ezta Euskal Herrikorako txartela eskuratzerik ere. Hurrengoan lortu baietz!

Ikasturte luzearen ostean, amaierako ekitaldiaren eguna ezarri dugu: ekainaren 9a. Egun horretan Algortako Tellagorri plazan eta 18:00etan hasita, ALBEko bat-bateko taldeetako bertsolari gazteek bertsosaioa egingo dute, bertso ederrez betetako ikasturtearen erremate dotore gisa. Etorri eta flipatu gazteon mailarekin!!!

Atzo jokatu zen Deustun Bizkaiko Eskolarteko Txapelketaren 4. eta azken kanporaketa. Eta saioaren ostean ofizial egin ziren ekainaren 3an Markina-Xemeingo finalean kantatuko duten 8 bertsolarien izenak. Haien artean 3 ALBEkide izango dira: Aritz Landeta, Naroa Torralba eta Maider Barañano. Zorionak, gazteok, eta zorte on finalean!

Bihar, lorailak 19, Berrizen jokatuko dau LEIOARA BEGIRA talde ALBEtarrak Bizkaiko Taldekako Txapelketearen bigarren faseko euren kanporaketea, Berrizen, 19:00etan hasita. Talde bi izango dabez lehiakide: Tire! eta Koipelustre's. Biharkoa gainditu ezkero, finala bagilaren 3an jokatuko leukie Markinan, Eskolarteko finalaren egun eta leku berean. Badeku bertara joateko atxakia polita!

Aritz Landetak irabazi zuen atzo Algortako Azebarrin jokatu zen Bizkaiko Eskolarteko Txapelketaren 3. kanporaketa. Gaur 4.a jokatuko da Deustun, eta bertan jakingo dugu nor egongo diren Aritzegaz batera ekainaren 3an Markina-Xemeinen jokatuko den finalean. Maider Barañano, Irene Ezkurra, Eneko Elordui eta Naroa Torralba ditugu, besteak beste, sailkapen horren zain. Gogor heldu, gazteok!

Gaur jokatuko da, maiatzak 16, Bizkaiko Eskolarteko Txapelketaren 3. kanporaketa Algortako Azebarri elkartean. Saioa 17:00etan izango da, eta ez da ALBEko ordezkaririk faltako: Aritz Landeta, Eneko Elordui, Naroa Torralba, Mikel Arrate eta Oihan Diaz. Gai-jartzaile Beñat Vidal arituko da. Eutsi goiari, gazteok!