Larunbatean Larzabalen jokatu den XILABAko saioan, ALBEko bertsolari urruñarra nagusitu da 306 punturekin. Honekin, kanporaketa amaitutzat jo eta final herenetako saioen sailkapena erabakita gelditu da. Urriaren 17an izango da bigarren faseko lehenengo saioa, Senperen.

Martxan dago 2020ko Bizkaiko Eskolarteko Bertsolaritza Txapelketa! Bizkaia osoko 28 parte hartzaile egongo dira txapelketan; horietatik 7 ALBEkoak dira. Aste honetan jokatuko dira kanporaketak, gaur, bihar eta ostiralean. 

Gaur ospatuko dugu Hitzaren Dantza Jaialdia! Artista paregabe ugariren artean, Roberto eta Miren Etxebarria aita-alabak datoz Erreskan taldearekin. Betiko herri-kantak eta abesti propioak joko dituzte; horien artean, labetik ateratako kanta berri-berria: TOPA! Letra hemen deskargatu dezakezue, ekitaldian denok batera abesteko!

Udagoiena hasi da eta jo ta ke dihardute ALBEko bertsolariek. Jaialdi, txapelketa eta era guztietako saioetan arituko dira hilabete honetan!

Muxikebarrin ospatuko dugu aurten Hitzaren Dantza ekimena, jaialdi formatuan baina: Itxaso Paya, Xabat Illarregi eta Aitor Mendiluze bertsolariek artistok izango dituzte plazakide: Mixel Etxekopar kantari, bertsolari eta xirulari zuberotarra, Miren eta Roberto Etxebarria musikariak Erreskan taldeagaz, eta Nagore de las Cuevas eta Arkaitz Pascuas dantzariak. Kolosala izango da! 

Asteazken eta ostegunean jokatuko dira Udabarria Bertsotan fasearen azkeneko saioak, Muxika, Berriz, Zalla eta Derion. Hiru ALBEkidek hartuko dute parte irailaren 23ko saioetan. Zatozte ALBEko bertsolariak animatzera!