Saio koloretsua eta erritmo bizikoa egin zuten Algortako Kasinora deitutako 6 bertsolari gazteek. 65 bertsozale batu ziren mahaiaren bueltan eta euren gozamenerako saio ederra izan zen. Buruz burukoa Irati Alcantarillarekin jokatu zuen Ekhiñek. ALBEko ordezkari biek (Aritz Landeta eta Maddalen Ruesgas) oso saio txukuna egin zuten. ALBEren 40. urteurrenak ere presentzia izan zuen ekitaldian.

XILABA Bertsulari Xapelketako lehen kanporaketa irailaren 19an jokatu zen Hiriburun. 17:00etan hasita, La Perle gelan lehiatu ziren Aitor Servier, Bittor Thicoïpe, Egoitz Zelaia, Elixabet Etxandi, Irati Alcantarilla eta Ortzi Idoate bertsolariak, 150 bertsozaleren aurrean.

Saioko irabazlea Aitor Servier izan zen, 334 punturekin, eta zuzenean sailkatu da hurrengo fasean Bokalen kantatzeko. Egoitz Zelaiak eta Irati Alcantarilla Urdanpilletak egin dute bigarren eta hirugarren, hurrenez hurren.

XILABA Bertsulari Xapelketako final herenetako lehen saioa urriaren 17an jokatu da Senperen.17:00etan hasita, "LARREKO" gelan aritu dira Aitor Servier, Gillen Hiribarren, Irati Alcantarilla, Kerman Diaz, Miren Artetxe eta Patxi Iriart bertsolariak, hurrengo faserako txartela eskurtu nahian.

Saioko irabazlea Irati Alcantarilla Urdanpilleta izan da, 324.5 punturekin, eta hurrengo faserako txartela zuzena lortu du: azaroaren 11n Bardozen egingo den Final Aitzeneko saioan kantatuko du. Aitor Servier eta Miren Artetxe izan dira bigarren eta hirugarren, hurrenez hurren.

2021ko Xilaba Bertsulari Txapelketako bigarren final aitzinekoa urriaren 23an jokatu da Bardozeko Ezker Paretan. 17:00etan, 150 bertsozaleren aurrean lehiatu dira Iker Altuna, Irati Alcantarilla Urdanpilleta, Maddalen Arzallus Antia, Miren Artetxe Sarasola, Ramuntxo Christy eta Xumai Murua Berra bertsolariak.

Maddalen Arzallus izan da 513,5 punturekin saioaren irabazlea eta finalera sailkatuko da zuzenean,azaroaren 13an Donibane Lohizunenjokatuko dena.Maite Sarasola eta Xumai Murua izan dira bigarren eta hirugarren, hurrenez hurren.

Hurrengo saioa Izpurako finalaurrekoaizango da, urriaren 30ean, Egoitz Zelaia,Gillen Hiribarren,Johaine Sarraillet,Maindi Murua,Odei Barroso eta Patxi Iriart bertsolariekin.

Informazio gehiago Bertsozale Elkartearen webgunean.

2021ko Xilaba Bertsulari Txapelketako lehenengo kanporaketa irailaren 18an jokatu da Makeako Herriko gelan. 17:00etan hasita, Maddi Ane Txoperena, Oier Urreizti, Irati Alcantarilla, Mizel Mateo, Gillen Hiribarren eta Karlos Aizpuru bertsolariak lehian aritu dira 90 bertsozale ingururen aurrean.

Maddi Ane Txoperena izan da 422,5 punturekin irabazlea eta hurrengo fasera pasatzeko txartela lortu du. Maulen lehiatuko da urriaren 16an.

Hurrengo kanporaketa irailaren 25ean jokatuko da Muskildin.

Informazio gehiago Bertsozale Elkartearen webgunean.

Euskal Herri osoko bertsolari gazteak Algortan lehiatuko dira otsailaren 14an, ostirala, ALBEk antolatutako Abra Sariaren XIX. edizioan. Algortako Kasinoan, afari gozo-gozo baten ostean, 6 betsolariek haien trebezia erakutsiko dute oholtza gainean. Nork eramango ote du etxera txapela?