XILABA Bertsulari Xapelketako lehen kanporaketa irailaren 19an jokatu zen Hiriburun. 17:00etan hasita, La Perle gelan lehiatu ziren Aitor Servier, Bittor Thicoïpe, Egoitz Zelaia, Elixabet Etxandi, Irati Alcantarilla eta Ortzi Idoate bertsolariak, 150 bertsozaleren aurrean.

Saioko irabazlea Aitor Servier izan zen, 334 punturekin, eta zuzenean sailkatu da hurrengo fasean Bokalen kantatzeko. Egoitz Zelaiak eta Irati Alcantarilla Urdanpilletak egin dute bigarren eta hirugarren, hurrenez hurren.

XILABA Bertsulari Xapelketako final herenetako bigarren saioa urriaren 24an jokatu da Sohütan.17:00etan hasita, Egoitz Zelaia, Elixabet Etxandi, Iker Altuna, Maddi Sarasua, Maindi Murua eta Mizel Mateo bertsolariak hurrengo faserako txartela eskuratzeko lehiatu dira Sohütako Herriko gelan.

Saioko irabazlea Maddi Sarasua Laskarai izan da, 323.5 punturekin, eta hurrengo faserako txartela zuzena lortu du: azaroaren 7an Izpuran egingo den Final Aitzeneko saioan kantatuko du.  Egoitz Zelaia eta Elixabet Etxandi Goienetxek egin dute bigarren eta hirugarren, hurrenez hurren.

2021ko Xilaba Bertsulari Txapelketako laugarren kanporaketa urriaren 9an jokatu da Gabadiko Herriko gelan. 17:00etan, 145 bertsozaleren aurrean lehiatu dira Maddi Sarasua, Egoitz Zelaia, Amets Arzallus, Maindi Murua, Johaine Sarraillet eta Odei Barroso.

Amets Arzallus izan da 469 punturekin saioaren irabazlea eta zuzenean sailkatuko da urriaren 16an Mauleko finalaurrekora. Saioko bigarren eta hirugarren Odei Barroso eta Maddi Sarasua izan dira, hurrenez hurren.

Hurrengo saioa Mauleko finalaurrekoaizango da, urriaren 16an, Amets Arzallus, Maddi Ane Txoperena, Maddi Sarasua, Aitor Servier, Kerman Diaz, eta Karlos Aizpurua bertsolariekin.

Informazio gehiago Bertsozale Elkartearen webgunean.

2021ko Xilaba Bertsulari Txapelketako azken final aitzinekoa urriaren 30ean jokatu da Izpuran. 17:00etan, Faustin Bentaberri gelan lehiatu dira Egoitz Zelaia, Gillen Hiribarren, Johaine Sarraillet, Maindi Murua Berra, Odei Barroso Gomila eta Patxi Iriart Hiribarren bertsolariak.

Odei Barroso izan da 516,5 punturekin saioaren irabazlea eta finalera sailkatuko da zuzenean,azaroaren 13an Donibane Lohizunenjokatuko dena.Patxi Iriart eta Egoitz Zelaia izan dira bigarren eta hirugarren, hurrenez hurren.

Hurrengo saioa finala izango da. Donibane Loizunen jokatuko da, azaroaren 13an, Amets Arzallus Antia, Odei Barroso Gomila, Maddalen Arzallus Antia, Miren Artetxe Sarasola, Maddi Ane Txoperena Iribarreneta Patxi Iriart Hiribarren bertsolariekin.

Informazio gehiago Bertsozale Elkartearen webgunean.