Ostegunean, maiatzaren 15ean, Balmasedan eta Orozkon jokatuko dira hurrengo kanporaketak. Azken honetan ALBEko Inazio Vidalek kantatuko du, Ander Sarriugarte, Ander Ucelay, Arkaitz Zipitria, Eneko Barruetabeña eta Irune Basagoiti bertsolariekin batera, Idoia Anzorandiaren gidaritzapean. Zorte on! Sarrerak bertsosarrerak.eus webgunean eskuragai.
Balmasedako kanporaketan Aitor Arrutia , Araitz Katarain, Enara Gallastegi, Ixone Asategi, Janire Arrizabalaga eta Maider Altuna bertsolariak lehiatuko dira, Igor Menika gai-jartzailearen esanetara.
Informazio gehiago Bertsozale Elkartearen webgunean topatuko duzue.