Larunbatean Larzabalen jokatu den XILABAko saioan, ALBEko bertsolari urruñarra nagusitu da 306 punturekin. Honekin, kanporaketa amaitutzat jo eta final herenetako saioen sailkapena erabakita gelditu da. Urriaren 17an izango da bigarren faseko lehenengo saioa, Senperen.
Kermanek 306 punturekin irabazi du XILABA 2020ko laugarren kanporaketa saioa eta hurrengo fasera pasatu da. Final herenetako lehenengo saioan jokatuko du urriaren 17an,17:00etan , Aitor Servier, Gillen Hiribarren, Irati Alcantarilla, Patxi Iriart eta Miren Artetxe bertsolariekin batera. Senpereko "LARREKO" gelan izango da eta sarrerak bertan eros daitezke.