2023ko Bizkaiko Bertsolari Txapelketako bigarren kanporaketa urriaren 8an jokatu da Gernika-Lumoko Lizeo antzokian. Kantuan Arkaitz Zipitria, Bittor Altube, Ibai Amillategi, Iker Garitagoitia, Julen Ibarguengoitia eta Mikel Retolaza bertsolariak aritu dira, Itxaro Juaristi Olaetxea gai-jartzailearekin. Lan puntuagarri guztiak egin ostean, Ibai Amillategi Omaetxebarriak batu ditu puntu gehien, 479 puntu, eta beraz, azaroaren 25eko Lemoako finalaurrekora zuzenean sailkatu da.
Sailkapena:
- Ibai Amillategi Omaetxebarria------- 479
- Bittor Altube Sarrionandia------------- 472.5
- Mikel Retolaza Etxebarria------------- 455
- Arkaitz Zipitria Mendizabal---------- 443.5
- Julen Ibarguengoitia Ordorika----- 438.5
- Iker Garitagoitia Astigarraga------- 434
Hurrengo saioa urriaren 15ean izango da, Arrigorriagan, Garikoitz Sarriugarte, Iker Uriarte, Inazio Vidal, Iruri Altzerreka, Josune Aramendi eta Lurdes Ondaro bertsolariekin.
Informazio gehiago Bertsozale Elkartearen webgunean duzue ikusgai.