Urte berria, asmo berriak... baina Ase Bertsoz indartsu jarraitzen du! Ostegunean, 20:00etan, Azebarrin bilduko gara 2022ko lehen Ase Bertsoz ekimena ospatzeko. Zatozte, bertsolari eta bertsozaleok, urte berrirako proiektuez kantatzera! 

2019ko Taldekako Xilabaren bigarren saioa Hazparnen jokatu zen irailaren 21ean. EZKORBRUTAK taldeak (Mixel Mateo, Patxi Uriart, Karlos Aizpurua eta Gillen Hiribarrenek osatua) eta ESKUKULA taldeak (Pettan Prebende, Bittor Thicoipe eta Ramuntxo Christy-k osatua) buruz buru ibili ziren Bob's Beer garagardotegian. Saio ederraren ostean, ESKUKULA izendatu zuten irabazle.

Saioak ikusteko sakatu hemen.

Aurtengo Taldekako Xilaba irailaren 20an hasi zen Itsasun, Goxoki gaztetxean. Itsasuko HASTA LA 2TORIA taldeak (Elixabet Etxandi, Lur Renteria, Maddi Sarasua, Odei Renteria eta Leire Laskaraik osatua) eta Azkaineko EKAINAZtaldeak (Ekaitza Irastorza, Aitor Servier eta Xumai Muruak osatua) hartu zuten parte lehenengo saio honetan, baina epaimahaiak HASTA LA 2TORIA izendatu zuen irabazle.

Saioak ikusteko sakatu hemen.

2019ko Taldekako Xilabaren hirugarren saioa irailaren 28an jokatu zen Izpegin. BARÇA taldeak (Battit Crouspeyre, Bixente Irigarai, Oier Urreizti eta Ekhi Perrierrek osatua) eta URRUÑAGO taldeak (Odei Barroso, Kerman Diaz, Iker Altuna eta Ortzi Idoatek osatua) buruz buru ibili ziren Irigoienea bentan. Azkenean, URRUÑAGO taldea izendatu zuten irabazle.

Saioak ikusteko sakatu hemen.

Aurtengo Taldekako Xilabaren seigarren saioa urriaren 5ean izan zen Pausun, Xaian. BARÇA (Battit Crouspeyre, Bixente Irigarai, Oier Urreizti eta Ekhi Perrierrek osatua) eta EZ OTOI PENTSA(Maddi Ane Txoperena, Josu Txoperena, Miren Artetxe eta Gorka Artetxek osatua) taldeek kantatu zuten, baina azkenean epaimahaiak EZ OTOI PENTSA izendatu zuen irabazle.

Saioak ikusteko sakatu hemen.

Aurtengo Taldekako Xilabaren laugarren saioa irailaren 28an izan zen Saran, Pleka trinketean. EZKORBRUTAK taldeak (Mizel Mateo, Patxi Iriart, Karlos Aizpurua eta Gillen Hiribarrenek osatua) eta 4KOPLAZARA taldeak (Ellande Alfaro, Amets Arzallus, Julene Etxeberri eta Landa Etxeberrik osatua) kantatu zuten, baina epaimahaiak 4KOPLAZARA izendatu zuen irabazle.

Saioak ikusteko sakatu hemen.

Bihar, urriaren 5ean, 2019ko Taldekako Xilaba txapelketaren bi saio ospatuko dira 19:00etan. Alduden KONTRABANDA eta HASTA LA 2TORIA taldeek kantatuko dute eta Pausun, berriz, EZ OTOI PENTSA eta BARÇA taldeek.

Pasa den asteburuan, urriaren 5ean, HASTA LA 2TORIA eta KONTRABANDA taldeak aurrez aurre aritu ziren kantuan. Saio borobila izan zen, umorez betea baina gai serioagoak ere ukituz. Bi taldeak fin-fin ibili ziren arren, gauaren amaieran HASTA LA 2TORIA izendatu zuten garaile. Aurreko saioa ere irabazi zutenez, Taldekako Xilabako finalerdietara klasifikatu den lehen taldea da HASTA LA 2TORIA.