2021ko Bizkaiko Bertsolari Txapelketako bigarren finalaurrekoa Galdakaon izan da, azaroaren 27an. 17:00etan, Galdakaoko Urreta kiroldegian, 600 bertsozaleren aurrean lehiatu dira Aitor Bizkarra, Aitor Etxebarriazarraga, Etxahun Lekue, Josune Aramendi, Oihana Bartra eta Xabat Galletebeitia bertsolariak.

Saioaren irabazlea Etxahun Lekue izan da 547,5 punturekin, eta zuzenean sailkatu da abenduaren 18an Bilbon jokatuko den finalean. Aitor Bizkarra eta Xabat Galletebeitia izan dira bigarren eta hirugarren, hurrenez hurren.

Hurrengo saioa Larrabetzuko frontoian izango da, abenduaren 4an, Ander Elortegi, Eneko Abasolo 'Abarkas', Jone Uria, Julen Arzanegi, Nerea Ibarzabaleta Txaber Altube bertsolariekin.

Informazio gehiago Bertsozale elkartearen webgunean.

2021ko Bizkaiko Bertsolari Txapelketako azken kanporaketa Getxon izan da, azaroaren 7an. Algortako Muxikebarri antzokian lehiatu dira Enare Muniategi, Eneko Aldana, Josune Aramendi, Koldo Muñiz, Malen Amenabar eta Unai Mendiburu bertsolariak. Gai-jartzailea Oier Iturralde Fernandez ‘Atano’ izan da.

Saioaren irabazlea Josune Aramendi izan da 458 punturekin, eta zuzenean sailkatu da azaroaren 21ean Etxebarrian jokatuko den finalaurrekoan. Unai Mendiburu eta Eneko Aldana bigarren eta hirugarren izan dira, hurrenez hurren.

Hurrengo saioa Etxebarrian izango da, azaroaren 21ean, Gorka Pagonabarraga, Ibon Ajuriagojeaskoa, Imanol Uria, Miren Amuriza, Onintza Enbeita eta Paule Loizaga bertsolariekin.

Informazio gehiago Bertsozale elkartearen webgunean.

Eguna: uztailaren 15a

Ordua: 15:00

Tokia:  Urgitxieta plaza

Bertsolariak:  Josune Aramendi eta Imanol Uria

Informazio gehiago hemen

Larrabasterrako jaiak laster izango dira hemen, eta aurten, ekintza guztien artean, bertso saioa izango dugu gozagarri. Uztailaren 15ean, ostiralean, Josune Aramendi eta Imanol Uria bertsotan izango ditugu Urgitxieta plazan, herri bazkariaren ostean. Anima zaitezte!