Irailaren 11n, Bizkaiko Bertsozale Elkarteak deituta, bertsolari eta bertsozale mordoak egin genuen tradizio handiko erromesaldia Arabako Errioxan zehar. Getxoko Bidezabal geralekutik 11 ALBEkide abiatu ginen autobus txiker batean, eta Bilbon beste hiru bertsozale hartu ondoren, Zornotzara egingenuen, bertan gainerako espediziokideekin bat egiteko. Zornotzatik Araba aldera denok batera joan ginen autobus bakarrean.