Ostiralean, martxoaren 4an, emango diogu hasiera 2022. urteko Uribe Kostako Bertsolari Txapelketari. 12 bertsolarik hartuko dute parte Erromon izango diren hiru kanporaketa saioetan. Saio bakoitzeko irabazleak zuzenean lortuko du finalaurrekoetan sartzea, eta gainontzeko bertsolariak puntuazioaren arabera sailkatuko dira. Zorte on!
23 talde lehiatuko dira Bizkaiko Taldekakoaren 3. edizioan. Martxoaren 25etik maiatzaren 13ra bitartean kanporaketa fasea jokatuko da eta 9 taldek kantatuko dute maiatzaren 28ko finalean. Uribe Kostako lau taldek hartuko dute parte: Tosu bizirik, Leioatik Leioara, Gerri maltxurrak eta Basordako piratak. Zorte on danori!
2022ko Uribe Kostako Bertsolari Txapelketari martxoaren 4an emango diogu hasiera! 24 bertsolari trebe lehiatuko dira martxoaren 4an eta 11n Erromon eta Gorlizen, eta apirilaren 2an Algortan jokatuko dira azken faseak. Nork jantziko ote du Uribe Kostako txapela?
Aurtengo Abra Saria Algortako Azebarri elkartean egin zen otsailaren 11n. 19:00etan pikoteo gozo batekin hasi eta ondoren saioari hasiera eman genion. Bertsozaleen gozamenerako, 6 bertsolari gazteek saio txukuna egin zuten Naroa Torralbaren gidaritzapean, eta buruz burukoa Unai Andarekin jokatu zuen Julenek.
Aurten lehenengoz egingo dugun ekitaldia da ALBETI BAT EGUNA. Larunbatean, otsailaren 19an, Azebarrin bazkalduko dugu gure kideek prestatutako otordu gozo-gozo eta ondoren, ALBEko bertsolarien arteko bertso jolasak eta ariketa bereziak egongo dira. Animatu eta eman izena!
